«ИБАРАТ» КОМУЗЧУЛАР АНСАМБЛИ

 

 

Ибарат ансамбли 2001-жылы 1-сентябрда «Сейтек» борборунда ачылды. Залкар комузчу Карамолдо Орозовдун «Ибарат» күүсүнүн атынан коюлган.

Балдарды күү менен эле чектелип калбастан комуз менен ырдоо ыкмасын үйрөтүү ниетинде ушул ансамбль түзүлдү. Ансамблде жаштар 17 жашка чейинки мектеп окуучулары тарбияланат.

Ансамблдин жетекчиси, маданияттын мыкты кызматкери, Бектурганова Алтынай Джээнбаевна: "Билим берүү – ийне менен кудук казгандай", - деген сыңары, балдарга башынан эле нота менен ыр-күүлөрдү үйрөтүү жана ошого көндүрүү окуучунун кийинкисине жакшы шарт түзүп берет. Дегеним, Муратаалы Күрөңкеев окуу жайына же болбосо Б. Бейшеналиев атындагы институтуна даярдоо болуп эсептелинет.

Шаардык кароо сынактарга катышып, 3-орунга ээ болдук.
2005-жылы «Тогуз кайрык» конкурсунда 2-орунду ээледик.
2007-жылы Республикалык кароо сынакта 1-байгени алдык.
2012-жылы Түрк дүйнөсү фестивалына катышып, грамота жана сыйлыктарга ээ болдук.