Кружки
Расписка при продаже квартиры, образец - fortstroi.com.ua
Информация о недвижимости - comintour.net
Чем штукатурят газобетон, смотрим на странице http://stroidom-shop.ru

 

Бүгүн, 11-мартта саат 17.00дө Т. Абдумомунов ат. Кыргыз улуттук драма театрында ажайып концерт болот. Башталышында театрдын деректири, Кыргыз Республикасынын Эмгек сиңирген артисти, актёр, обончу, ырчы Асылбек Өзүбеков өзү ырдап берет. Кыргыз Республикасынын Эмгек сиңирген артисти Каныкей Эралиева, дүйнөдөгү 57 аспапта, мунун ичинен кыргыздын 37 аспабында ойногон мультиаспапчы Курмангазы Азыкбаев бул ирет кыргыздын үйлөмө 9 аспабы менен поппури ойнойт. Таанымал чебер комузчулар (расмий наардарын тактап дагы жазам) Саадабай Шабданов, менен Анара Эсенгулова, Н. Шеркулов, музыка боюнча мектептер, ЖОЖдор үчүн 18 китептин автору Муратбек Касей, кыл кыяктын чебери Нурбек Серкебаев, маданияттын мыкты кызматкери, Билим берүү мыктысы Фарида Өмүрзакова, Каныкей Раймалиева, дастанчы, ырчы, маданият мыктысы Айтбүбү Атамкулова сыяктуу өнөр адамдары концерттин көркүн ачат. Маданият мыктысы Мастура Бердибекова Ч. Айтматовдун романындагы уламыш боюнча Нурак Абдрахманов чыгарган «Найман эне» күүсүн аткарат.
БЕЛЕТИ АРЗАН – 250 СОМДУКТАРЫ ДА БАР!
Мен үчүн бул концерттин дагы бир кызык жагы – Балдардын жана өспүрүмдөрдүн «Сейтек» улуттук борборунда ачылган, быйыл беш жылдык мааракесин белгилеп жаткан «Кыргыз көчү» комузчулар ансамблинин чыгышы. 42 бала кол ойноткон күүлөрдөн залкар күүлөргө чейин аткарышат (арасында менин кызым да бар деп мактанып коёюн). Ансамблдин негизделгенине быйыл 5 жыл болуптур. Алгачкы бүтүрүүчүлөрү эл аралык конкурстарда жеңип келишти. Мисалы, ортоңку сүрөттө былтыр Астананын 20 жылдыгындагы эл аралык конкурста жеңип келгендер тартылган (фотонун оригиналын кийин таап кайра илебиз). Айтмакчы, ушул айдын аягында "Кыргыз көчү" Москвага барып, эл аралык конкурска катышмакчы! 
Ансамблдин жетекчиси, КТРК «Маданият» каналындагы «Күү теги» берүүсүнүн автору, маданияттын мыктысы Мастура Бердибекованын мазмундуу маегин жакында толуктап жарыялайм.
Кыргыздын нукура музыкасына кайдыгер карабаган замандаштар, концертке келгиле! Алган таасирлериңерди эл менен бөлүшкүлө!

На данном изображении может находиться: 1 человек, шляпаНа данном изображении может находиться: 14 человек, люди улыбаются, люди стоят и люди на сцене